सेनामा भर्ना प्रक्रिया: ५ हजार परीक्षार्थीमा १८ मात्रै पास

काठमाडौं , २५ माघ । 
नेपाली सेनाले रिक्त रहेको अधिकृत क्याडेट भर्नाका लागि यस बर्ष दुईपटक भर्ना आह्वान गर्दा पनि माग गरेको संख्या पूर्ति गर्न सकेन ।

मुलुकभर शैक्षिक बेरोजगारको संख्या बढ्दै गएको भन्दै विभिन्न क्षेत्रबमट राज्य सञ्चालकका लागि प्रश्नचिन्ह खडा गर्ने गरिएको छ ।

नेपाली सेनाले यस बर्ष भदौ २७ र पुष ९ गते १ सय ५० जना अधिकृत क्याडेटका लागि भर्ना आह्वान गरे पनि जम्मा ९ जना मात्रै सहायक सेनानीमा छानिएका छन् ।

सेनाको कार्यरथी विभागको भर्ना छनोट निर्देशनालयले दुई पटक रिक्त दरबन्दी पूर्तिका लागि भर्ना आह्वान गरेको थियो ।

दुवैपटक भर्नाका लागि ५ हजारभन्दा बढी परीक्षार्थी परीक्षामा सामेल भए पनि लिखित परीक्षामा जम्मा १८ जनाले मात्रै उत्तीर्ण गरेको सेनाको रेकर्डमा देखिन्छ ।

अन्य सुरक्षा निकायमा बेला बेलामा हुने भर्ना छनोट आह्वान गर्दा सेनामा भन्दा कम सहभागीले दर्खास्त दिने गरेको पाइन्छ । आजको नेपाल समाचारपत्रमा खबर छ ।